Nola finantzatzen da MSF?

Nazioko kontuak

MSF Espainiaren 2010. ekitaldiari dagozkion urteko kontuak KPMGek ikuskatu eta gure Batzar Nagusiak onetsi ditu.

2010 urtean zehar gastu operatiboetan izandako hazkuntza biziaren ondoren, batik bat Haitiko krisiaren ondorioz sortutakoak, 2011. urtean igoera motela izan da, aurreko urtean hasitako proiektuak sendotze lanetara zuzenduak, bai eragite mailan bai aurrekontu inguruan ere.

Diru-sarrerak

Diru-sarrerak guztira 110.661.930 €

MSF-ren bazkideen laguntzak gure erakundearen diru-sarreren ardatz nagusia izaten jarraitu du, Espainian sortutako diru-sarreren %68,3 suposatu duelarik. MSF-ren beste atal batzuen laguntza, Somaliako krisiaren eta bere ondorioen aurrean gizarteak izandako erreakzioa, erakunde publikoen finantzaketan izandako gehitzea, eta Besteen minaren aurkako pilulak kanpainak izandako harrera ezin hobeak izan dira ekitaldi honetako gainerako diru-sarrera iturri nagusiak.

Diru-sarreren banaketa finantzatzailearen arabera MSF-E

*AECID: Espainiako Nazioarteko Lankidetza eta Garapenerako Agentzia.

Gastuak

Gastuak, guztira 110.168.010 €

Ohiko proiektuen gastuak %7,6 hazi dira (Yemen, Hegoaldeko Sudan, Zimbabwe, Kongoko Errepublika Demokratikoa, Kolonbia eta Zambian, besteak beste, izandako gastu operatibo gehitzearen ondorioz), ekitaldi hasieran adostutako aurrekontuei jarraiki, eta 2010an hasitako ekintza-dinamikak bultzatuta. Gastu guztien %84,2 biztanleriari eskainitako zuzeneko laguntzara zuzendu da, eta %2,5 lekukotza, sentsibilizazio eta biztanleria-eragin ekintzetara. %9,1 diru-bilketan inbertitu da eta gainerako %4,2a kudeaketa gastuetarako izan da.

Proiektuetako kostua gastuen izaeraren arabera banatzea

1 Gatazka armatuen biktimak
a) Biztanleria zibilaren aurkako zuzeneko biolentzia: laguntza mediko/kirurjiko/psikologikoa.
b) Errefuxiatuak/kanporatuak: zuzeneko laguntza mediko eta humanitarioa.
c) Gatazkaren ondorioz sorturiko osasun sistemaren etetea: laguntza medikoa erietxe eta osasun erakundeei.
d) Gatazkaren ondorioz sorturiko elikadura krisia: elikadura zentroak, elikagaien banaketa, etab.

2 Gaixotasun endemikoen eta izurriteen biktimak.
Gaixoei eskainitako laguntza medikoa.

3 Giza indarkeriaren /osasun-arretarik ez duten biktimak.
Zuzeneko esku-hartzea ekintza mediko, psikologiko eta soziologien bidez. Osasun-zerbitzuak eskuratzeko, osasun-hutsuneak betetzeko, kostuen berreskuratze sistemak, etab. Xedetzat duten proiektu guztiak kategoria honen barne daude.

4 Hondamendi naturalen biktimak.
Larrialdiko edozein erantzun mota, laguntza material dohaintza barne.

5. Koordinazio taldeak (hiriburuak).
Tokian tokiko proiektuak koordinatu eta laguntzen dituzte.

6. Bestelakoak.
Esploratze-misioak, larrialdietarako stockak, sailkatu gabeko eta gainerako gastuak, proiektu motaren arabera banatu ezin daitezkeenak.

Iturria: Nazioarteko MSFren 2011ko Memoria.