MSF, sortu zenetik, nazioarteko esparrua duen erakundea izan da eta izaten jarraitzen du, gure Kartan jasotako printzipio eta balioekin konprometituta dauden mundu osoko pertsonez osatua. Gure nazioarteko mugimenduak mundu osoan 28 elkarte biltzen ditu: Kongoko Errepublika Demokratikoa, Hegoafrika, Ekialdeko Afrika, Alemania, LAT (Latinoamerika), Afrika Garaia eta Erdikoa (WACA), Hego Asia, Erdialdeko Amerika eta Mexiko (CAMEX), Australia, Austria, Belgika, Brasil, Kanada, Korea, Danimarka, Espainia, Estatu Batuak, Frantzia, Grezia, Herbehereak, Hong Kong, Italia, Japonia, Luxenburgo, Norvegia, Erresuma Batua, Suedia eta Suitza.
MSFk mundu osoan 26 atal ditu; hauek dira gure Misio Soziala (eragiketak eta aldarrikapenak) gauzatzea laguntzeko eta errazteko beren exekutibo-organoa duten MSF elkarteak. MSFren Nazioarteko Estatutuek araututako atal hauek dira: Alemania, Ekialdeko Afrika, Latinoamerika, Hego Asia, Australia, Austria, Belgika, Brasil, Kanada, Erdialdeko Amerika eta Mexiko, Hego Korea, Danimarka, Espainia, Estatu Batuak, Frantzia, Grezia, Hong Kong, Italia, Japonia, Luxenburgo, Norvegia, Herbehereak, Erresuma Batua, Hegoafrika, Suedia eta Suitza.
Sekzioen laguntza jarduera anitzen bidez ematen da, hala nola komunikazioa, kontzientziazioa, diru-bilketa, langileen kontratazioa eta erakundeen ordezkaritza, besteak beste. Era berean, operazioen exekuzioa ere barne hartzen du, operazioetako zuzendaritza batek hala esleitzen badu.
Elkarteak zazpi operazioetako zuzendaritzarekin lotuta daude, eta hauek zuzenean kudeatzen dute gure lurreko lan humanitarioa eta erabakitzen dute noiz, non eta zein mediku-beharri erantzun behar zaien.
Gainera, mundu osoan beste 16 bulego ditugu, atal hauei txosten egiten dietenak: Txile, Txina, Kolonbia, Arabiar Emirerri Batuak, Finlandia, India, Irlanda, Libano, Zeelanda Berria, Polonia, Portugal, Txekiar Errepublika, Singapur, Taiwan eta Uruguai. Bulego hauek ordezkaritza, kontratazioa eta diru-bilketa egiteko dira, eta kasu batzuetan eragiketa-laguntza eta proiektuen zuzenean kudeaketa ere egiten dute.
Gure nazioarteko bulegoa Genevan (Suitza) dago.
Egitura nazioarte hau osatzen du erakunde-sare batek, honako jardueretan espezializatuta: laguntza humanitarioaren hornikuntza eta banaketa (MSF Logistique eta MSF Supply), ikerketa mediko eta epidemiologikoa (MSF Épicentre) eta ekintza humanitarioari buruzko ikerketa (CRASH).
Javid Abdelmoneim, Mugarik Gabeko Medikuak erakundeko nazioarteko presidentea
-
2009an hasi zen MSFn lanean, larrialdietako mediku gisa Basoran (Irak). Orduztik, Javid Abdelmoneim doktoreak koordinazio medikoko eta eragiketako funtzioak bete ditu Haitin, Etiopian, Hego Sudanen, Sirian, Txaden, Ukrainan, Erresuma Batuan, Mediterraneoko bilaketa- eta erreskate-proiektuetan, eta Sierra Leonan (Afrikako mendebaldeko ebola epidemian). MSFn burutu duen azken eginkizuna Gazako (Palestina) talde medikoaren arduraduna eta Omdurmango (Sudan) talde medikoaren arduraduna izatea iza da, 2025eko otsailera arte.
2015ean MSF Erresuma Batuko zuzendaritza-batzordeko kide izan zen, eta 2017an presidente izendatu zuten, 2021era arte kargu hori bete zuelarik. MSFko funtzio medikoez eta lanaz gain, telebistako aurkezle esperimentatua ere bada. Emmy eta BAFTA sarietarako izendatu zuten Netflixen, BBCn, HBOn, Channel 4n eta Al Jazeera English-en emititu ziren zientzia-dokumentaletan eta osasunari buruzko entretenimenduko serieetan egindako lanagatik.
Javid Abdelmoneim doktorea MSFko Nazioarteko Batzar Nagusiak 2025eko ekainean aukeratu zuen nazioarteko presidente, hiru urteko agintaldirako. 2025eko irailaren 5ean hartu zuen kargua.
-
