MSF Espainia: gure egoitza

MSFren sei eragiketa-erakundeetako baten parte denez, Espainiako sekzioa eragiketa-zentroa deitzen dugunaren parte da. Horren barrian sartzen dira MSF Grezia, MSF LAT eta MSF Afrika Ekialdea, eta azken honek bulegoak ditu Portugalen, Jordanian, Senegalen eta Kenyan.

MSFren Espainiako egoitza Bartzelonan dago. Gainera, gure gizarte-misioan laguntzen duten lau bulego ditugu Espainian, ordezkaritza-, komunikazio-, herritarren eragin-jarduerak eta funtsak biltzeko lanen bidez: Bilbon, Madrilen, Sevillan eta Valentzian daude.

Bartzelonan honako sail hauek daude: Operazioak, Medikua, Logistikoa, Finantzak, Giza Baliabideak, Komunikazioa eta Funtsak Biltzea. Sail horien buru diren pertsonek eta egungo zuzendari nagusiak osatzen dute gure zuzendaritza-taldea.

Operazio Saila gure funtsezko gunea da, tokian tokiko jarduerak zuzentzen baititu. Hori bost zelulatan (beren baseak Bartzelonan, Nairobin, Amanen, Dakarren eta Bogotan dituztenak) eta Larrialdietarako Unitate batean (Bartzelonan) banatzen da. Talde horietako bakoitza herrialde talde jakin baten misioak kudeatzeaz arduratzen da. Zelulak eta Larrialdietako Unitatea profil sanitarioko, logistikoko, finantzarioko, giza baliabideetako eta, kasu batzuetan, gai humanitarioetako eta komunikazioko espezialistek osatzen dituzte.

Eragiketek beste sei sailen laguntza dute:

- Medikua: mediku, paramediku eta osasun-zerbitzuen kudeaketako hainbat arlotako adituak biltzen ditu.

- Logistikoa: gure proiektuen egiturazko funtzionamendua kudeatzen du (garraioa, hornikuntza, eraikuntza, ura eta saneamendua, etab.).

- Giza baliabideak: MSFn lan egiten dugun pertsonak errekrutatzen eta garatzen ditu.

- Finantzak: gure diru-sarrerak eta gastuak finkatzen ditu, eta aurrekontua betetzen dela ziurtatzen du.

- Komunikazioa: gure kanpoko ahotsa artikulatzen du, gure informazioa iritzi publikora bideratuz.

- Funtsak biltzea: gure bazkideen eta emaileen oinarria garatzen du, gure independentzia ekonomikoa bermatzeko.

Gainera, bi talde espezializatu arduratzen dira informazio-sistemez, datuen segurtasunaz eta telekomunikazioez (Antolaketa eta Sistemak) eta lan egiten dugun testuinguruei buruzko analisiaz eta hausnarketaz (Gai Humanitarioak).