Lankidetza-esparrua

Enpresek funtsezko rola dute gure gizartean, eta Mugarik Gabeko Medikuak erakundeari laguntzen dion gizarte-ehunaren parte dira. Horregatik, MSFn enpresekin eta erakundeekin lan egiteko espazio komun bat sortu nahi dugu, konfiantzan eta gardentasunean oinarritutako epe luzeko harremanak eraikitzeko aukera emango diguna.

MSFk enpresa-sektorearekin duen harremana orientatzen duen esparru bat ezarri du. Esparru horren helburu bakarra ekintza humanitarioaren oinarrizko printzipioak babestea da; erakundearen misioa; gure ekipoen segurtasuna tokian bertan eta artatzen ditugun pertsonen segurtasuna; eta MSFren irudia bera.

MSFk lankidetza- edo finantzaketa-muga osoak edo partzialak ezarriko ditu honako sektore hauekin:

• Armamentistikoa.
• Tabakoaren sustapena eta salmenta.
• Baliabide naturalak ustiatzea.
• Jokoa eta apustuak.
• Pornografia.
• Alkohola.
• Luxua.

Gainera, MSFk ez du finantzaketa-akordiorik egingofarmazia-laborategiekin edo material eta ekipamendu medikoa fabrikatzen duten enpresekin, interes-gatazka saihestuz. Salbuespen gisa, MSFk enpresa horien gauzazko dohaintzak onartuko ditu, ikuspegi medikotik justifikatuta dagoenean soilik.

Zure enpresa sektore horietako batekoa bada eta gurekin lan egin nahi baduzu, mesedez, jar zaitez gurekin harremanetan baldintzak zehatz-mehatz ezagutzeko.

MSFrekin lan egiten duten enpresek honako hauek errespetatu beharko dituzte:

• Giza eskubideak, baita artatzen dituzten pertsonen duintasuna, aniztasuna eta nortasuna ere.
•  Arrazakeriaren eta xenofobiaren aurkako borrokari buruzko nazioarteko konbentzioak.
• Nahitaezko lanari, haurren lanari eta sindikatuko kide egiteko eskubideari buruzko nazioarteko itunak.
• Ingurumena eta hura babesteko eta kontserbatzeko nazioarteko arauak.
• Indarrean dagoen legeria arrunta, bai bizi den herrialdean, bai jarduera garatzen duen nazioarteko eremuan.

MSFk lankidetza bati uko egiteko edo dohaintza bat itzultzeko ahalmena izango du uneoro, enpresekiko eta fundazioekiko harreman-kode horretara egokitzen ez denean edo egokitzat jotzen duenean.