Testamento solidario
Somos a túa familia máis afastada

Primeiro de todo, reflexiona e infórmate para tomar a decisión que máis se adecúe á túa situación persoal, coa que te sintas cómodo ou cómoda e, sobre todo, que reflicta a túa vontade. Se precisas información, en Médicos Sen Fronteiras ofrecémosche axuda e atéasesoramento legal de balde.

Cando o teñas claro, debes pedir cita nunha notaría, para que redacten o testamento segundo o que decidas e marque a lei. O custo deste trámite é duns 50 €.

Unha vez revisado e incluídos os datos correctos de Médicos Sen Fronteiras, debes asinalo. Na notaría poderás pedir unha copia do teu testamento, para que o poidas gardar nun lugar seguro.

Cando xa teñas feito o teu testamento solidario, recomendámosche que nolo comuniques e nos envíes unha copia simple, para poder dispoñer dela cando sexa preciso. Médicos Sen Fronteiras garánteche unha privacidade total en todo o relacionado co teu testamento.

É a asignación a unha persoa física ou xurídica determinada dun ou varios bens (inmobles, coches, obras de arte, xoias etc.), de prestacións, de cobranza de débedas, dunha porcentaxe patrimonial ou de dereitos determinados específicos.

Estes bens, ós que se denomina “legados”, sepáranse da herdanza e non son obxecto de repartición entre as persoas herdeiras. A concesión dun legado só se pode facer por testamento e indicándoo de forma expresa, cun límite: non pode prexudicar en ningún caso a lexítima das herdeiras e herdeiros forzosos.

Si. Segundo establece a lei, poderías dispoñer para esta finalidade o terzo de libre disposición da herdanza. Á marxe das excepcións establecidas nos dereitos forais, sempre que haxa descendentes (fillos, fillas, netos, netas etc.) con dereito á herdanza, a lei establece que se divide en tres partes:

 1. O terzo de lexítima: Repártese entre os fillos e fillas a partes iguais Se algún ou algunha finou, herdan os seus descendentes por dereito de representación, a partes iguais. A persoa testadora non pode dispoñer libremente desa parte, malia que o desexe.

 2. O terzo de mellora: a persoa testadora ten certa dispoñibilidade sobre esta parte á hora de adxudicala. Debe repartirse entre fillos e fillas e descendentes, mais non necesariamente a partes iguais: pódese beneficiar a unhas persoas fronte a outras.

 3. O terzo de libre disposición: A persoa testadora pode deixarllo a quen queira, sexa familiar ou non, podendo ser unha persoa xurídica. Sobre esta parte pode decidir con absoluta liberdade. Se existen unha ou varias causas ou ONG coas que sempre te identificaches, podes elixir incluílas no testamento cando te informes sobre o seu traballo.

Son as persoas ás que a lei recoñece o dereito a herdar, ó menos, unha porción do patrimonio da persoa finada, chamada "lexítima".

Son herdeiras e herdeiros forzosos, en primeiro lugar, os fillos e fillas (tanto naturais como por adopción, matrimoniais e non matrimoniais) e os seus descendentes (netos e netas etc.) e, de non os haber, os pais e nais e ascendentes.

Pola súa parte, o viúvo ou a viúva herdará na forma que se establece legalmente.

Se non existen herdeiras e herdeiros forzosos, no testamento poderás dispoñer con total liberdade de todo o teu patrimonio.

O testamento pódese cambiar tantas veces como se queira. Non existen límites legais respecto ó numero de cambios. Ó ser un documento totalmente persoal, non terás que dar explicacións a ninguén. Só necesitas contactar coa túa notaría e redactar un novo testamento. O testamento máis recente é o que terá valor legal.

Existen diferentes maneiras de ter presente a Médicos Sen Fronteiras no teu testamento, dependendo das túas circunstancias:

• Podes nomear a Médicos Sen Fronteiras herdeira universal, entregándolle todos os teus bens, dereitos e accións.
• Se queres deixar os teus bens a máis dunha persoa ou institución, podes nomear a Médicos Sen Fronteiras coherdeira, sinalando no testamento a porcentaxe asignada a cada unha das partes.
• Podes deixar a Médicos Sen Fronteiras un legado, é dicir, algo concreto. Pode ser unha cantidade determinada de diñeiro, unha porcentaxe sobre o valor total do patrimonio, unha propiedade inmobiliaria ou bens inmobles (obras de arte, antigüidades, xoias etc.).

Médicos Sen Fronteiras é unha persoa xurídica e, como tal, non está suxeita ó imposto de sucesións. Así mesmo, e dado que somos unha organización non lucrativa declarada de utilidade pública, os ingresos que recibimos por herdanzas e legados están exentos no imposto de sucesións.

Isto significa que o legado ou a parte de herdanza que outorgues a Médicos Sen Fronteiras non se verá nunca minguada por estes impostos.

Os datos identificativos necesarios para incluír a Médicos Sen Fronteiras no teu testamento son os seguintes:

Información legal: Médicos Sen Fronteiras España, con CIF G-58277534.

Enderezo fiscal: c/ Zamora, 54, 08005 Barcelona.

A notaría que autorizase o testamento está obrigada, no momento en que chegue ó seu coñecemento o pasamento da persoa testadora, a notificar o nomeamento ás entidades non lucrativas que aparezan no mesmo.

Se no testamento se nomeou unha persoa testamenteira, esta debe notificar o seu nomeamento a todos os beneficiarios e beneficiarias do testamento xa que está obrigada a facer cumprir a vontade da persoa finada. Se non hai unha persoa testamenteira, os herdeiros e herdeiras deben poñerse de acordo, porque, na partilla da herdanza, todas as persoas beneficiarias incluídas no testamento deben estar presentes, xa que, do contrario, non se podería facer a devandita partilla.

De tódolos xeitos, se decides incluír a Médicos Sen Fronteiras no teu testamento, rogámosche que nolo comuniques, chámanos ó 900 494 275 ou escríbenos un correo electrónico a herencias@msf.org.

Ter esta información e os teus datos permítenos ademais ter un contacto fluído e compartir contigo no correo electrónico as nosas novas e eventos. Manter este contacto e esta relación é unha forma de facerte partícipe dos nosos retos e coñecer mellor que che interesa saber do noso traballo.

Se a persoa finada non fixo testamento e non estableceu quen será o seu herdeiro ou herdeira, será a lei a que os nomee, seguindo unha orde de parentesco En caso de ausencia das herdeiras e herdeiros designados pola lei (herdeiros legais), a lei designa como herdeiro ó Estado.

Si, podes incluír a MSF como beneficiaria do teu seguro de vida. Se desexas colaborar coa organización desta maneira, tes que indicarllo á túa empresa aseguradora; en tal caso, tamén che pedimos que nos comuniques a túa decisión, para que, chegado o momento, poidamos facela efectiva.