Traballa no proxecto

1. Rexistro no sitio web
2. Selección de CV e cartas de presentación
3. Primeira entrevista
4. Validación técnica
5. Verificación de referencias
6. Segunda e última entrevista
7. Feedback

O proceso de selección non ten un período de tempo definido. Normalmente, tárdase entre tres e seis meses en completar todos os pasos desde o rexistro inicial na páxina web, dependendo da dispoñibilidade de vacantes e do perfil do candidato.
 

Debido a que o noso propósito é brindar asistencia médica a persoas en perigo, o traballo pode realizarse en zonas de conflito activo ou en zonas posteriores a un conflito, nas que existen riscos inherentes, perigos potenciais e ameazas constantes para a seguridade e a protección. MSF recoñecemos que é imposible excluír todos os riscos, pero facemos todo o posible como organización para mitigar e xestionar estes riscos a través de protocolos de seguridade estritos e exhaustivos.

Informarase amplamente ó persoal dos riscos asociados antes de aceptar un posto concreto. Traballar para MSF é unha elección profundamente persoal e as persoas deben determinar por si mesmas o nivel de risco e as circunstancias nas que se senten cómodas, baseándose nunha comprensión completa e transparente das posibles situacións ás que se poden enfrontar. Unha vez que se comece a traballar no proxecto, todo o persoal de MSF debe observar estritamente todas as normas e regulamentos de seguridade. O incumprimento pode supoñer o despedimento.

• Contrato legal durante o período de duración do proxecto.
• MSF proporcionamos a todos os membros do persoal nos proxectos un seguro privado que cobre medicamentos e hospitalización, discapacidade, así como calquera tipo de evacuación médica. 
• A remuneración en MSF é modesta por elección. O salario base é duns 1.300 € brutos mensuais durante os primeiros proxectos e para postos de menor responsabilidade. O salario revísase periodicamente en función do tempo de permanencia na organización e a experiencia adquirida.
• O persoal móbil internacional recibirá unha cantidade adicional de diñeiro como viáticos durante a estadía para cubrir os gastos básicos diarios.
   

A meirande parte das vacantes nos nosos proxectos teñen unha duración de seis a nove meses. Por iso requirimos unha dispoñibilidade mínima de 12 meses para iniciar o proceso de selección. . Só se aceptarán perfís específicos (cirurxía, xinecoloxía e anestesia) para proxectos de curta duración de entre tres e seis meses.

Ten en conta que as condicións de vida e de traballo do persoal de MSF adoitan ser inadecuadas para as persoas que non participan nos proxectos. No seu primeiro proxecto con MSF, o persoal nunca pode estar acompañado pola súa familia.
 

MSF determinamos o destino dos primeiros proxectos tendo en conta as necesidades nos países onde traballamos e a experiencia profesional do persoal no grupo. As necesidades operativas son sempre a prioridade. 

MSF promovemos odesenvolvemento profesional do noso persoal a través dunha ampla gama de cursos de formación e outras ferramentas como o coaching e o asesoramento. Todo o persoal deberá realizar o curso de preparación antes de comezar a traballar connosco.