O sarampelo é unha enfermidade viral altamente contaxiosa e unha das principais causas de morte en nenos e nenas pequenas. Non existe un tratamento específico: os pacientes son illados e reciben tratamento para a carencia de vitamina A, a deshidratación e outros síntomas e complicacións. A meirande parte das persoas afectadas recupéranse; con todo, entre o 3 e o 20% non o conseguen. 

Existe unha vacina segura e económica que reduce drasticamente o número de casos e mortes, mais segue estando pouco dispoñible en países con sistemas sanitarios febles, polo que seguen producíndose gromos de gran magnitude. 

Cando hai un gromo, os nosos equipos vacinan a tódolos nenos e nenas da rexión afectada para evitar unha epidemia.