Ciclóns, furacáns e tifóns

Un ciclón tropical é un sistema atmosférico de tormentas de movemento circular ó redor dun centro de baixas presións; é un fenómeno moi destrutivo cando chega a terra con forza, debido ás choivas torrenciais e os violentos refachos de vento que trae consigo. Dependendo da súa forza, pode ser una depresión tropical, unha tormenta tropical ou un furacán. A denominación deste derradeiro fenómeno varía segundo a súa localización xeográfica: 'furacán' no océano Atlántico e o nordés do Pacífico, 'tifón' no Pacífico noroeste e 'ciclón' no Pacífico sur e o océano Índico.

Estes fenómenos poden ter consecuencias catastróficas en zonas costeiras: destrución de vivendas, infraestruturas, cultivos etc. Aínda que non é o habitual, tamén poden ocasionar graves danos en zonas interiores.

No apartado Desastres naturais contámosche como respondemos a estas emerxencias e cales son as nosas prioridades médicas e loxísticas.