-
© Sam Phelps Implica ós teus grupos de interese
Para nós é moi importante chegar ó máximo número de persoas coa nosa mensaxe. Precisamos que se saiba que facemos e para que. Está claro que canta máis axuda recibamos, mellor.
A túa empresa pode colaborar connosco implicando ó cadro de persoal, provedores, clientela, accionistas… e multiplicar así o impacto da colaboración. Como podes facelo? Aquí van algunhas ideas.
Como podes colaborar?
-
Establecendo un programa de nóminas co voso cadro de persoal: as súas achegas sumaranse á contribución da empresa.
-
Liderando programas de captación de fondos entre a vosa clientela, provedores ou cadro de persoal, como os programas de puntos ou as contas solidarias, co fin de financiar unha emerxencia ou un proxecto de MSF
-
Sumándote ó agasallo solidario.
-
Organizando un evento participativo e de sensibilización para o teu cadro de persoal.
-
Lanzando unha Iniciativa Solidaria para recadar fondos a favor de MSF.
-
Difundindo as campañas de Médicos Sen Fronteiras no voso ámbito de influencia.
Vantaxes fiscais para a túa empresa
Para as doazóns económicas, as empresas (persoas xurídicas) teñen dereito a unha dedución do 35% na cota íntegra do imposto de sociedades, cun límite do 10% da base impoñible.
Ademais as doazóns fidelizadas durante un mínimo de tres anos terán dereito a unha dedución segundo se presenta na táboa a continuación:
Ano 1 | Ano 2 | Ano 3 e seguintes | |
Doazóns en xeral | 35% | 35% | 35% |
Doazóns plurianuais (á mesma entidade durante polo menos 3 anos) | - | 37,5% | 40% |
Límites dedución base liquidable | 10% | 10% | 10% |
Contacto: empresas e fundacións
Para definir unha proposta de colaboración axeitada á túa empresa ou resolver dúbidas.
Programa de Empresas e Fundacións
-
© Santiago D. Risco/MSF
