Investigación Operacional

Cada día, os nosos equipos documentan o traballo que realizamos nos proxectos. Investigamos as intervencións, estratexias e ferramentas que poden mellorar a calidade, eficacia, pertinencia e a cobertura da atención que ofrecemos ás poboacións en situación de emerxencia.

A nosa carteira de investigación operacional é moi variada e responde ós desafíos médicos ós que os nosos equipos se enfrontan nas crises máis graves nas que traballamos. Pode axudar a comparar a eficacia de dous tratamentos contra a enfermidade do sono, avaliar os resultados dun programa de saúde mental ou estudar o impacto dun novo paquete de atención pediátrica.

Consideramos que este traballo de investigación é útil tanto para nós como para outras organizacións que traballan en crises humanitarias e, por este motivo, difundímolo en publicacións ou congresos especializados.

A investigación operacional pode ser crucial tamén para o traballo de incidencia política ou lobby: os datos recollidos nos nosos proxectos, por exemplo sobre un novo curso de tratamento para unha enfermidade, poden servir para cambiar políticas de saúde en ámbitos rexionais, estatais e até internacionais.