Os nosos principios

O noso traballo está guiado pola ética médica e polos principios da acción humanitaria. Respectar e defender estes principios permítenos prestar axuda urxente a quen máis o precisa:

Humanidade: todas as persoas teñen dereito a ser asistidas na súa hora de maior necesidade.

Independencia: ningún poder político, económico ou relixioso dita as nosas accións.

Imparcialidade: non preguntamos pola raza, a relixión ou a ideoloxía das persoas ás que atendemos.

Neutralidade: non tomamos partido por ninguén, só polas persoas que precisan axuda.

Ética médica: a nosa obriga é asistir sen causar dano.

Ademais, comprometémonos os seguintes principios e valores:

Proporcionalidade: a nosa asistencia responde equilibradamente ás necesidades que detectamos.

Profesionalidade: temos un compromiso firme coa calidade e a eficacia da axuda.

Proximidade: proporcionamos asistencia directa, sen intermediarios.

Compromiso individual: asumimos unha responsabilidade persoal co noso traballo e aceptamos os riscos que entraña.

Sen ánimo de lucro: non xeramos beneficios para a nosa propia organización, e destinamos os fondos recibidos a acción médica, testemuño, administración e captación de recursos.

Control da axuda: o noso traballo e as nosas finanzas están sometidos a estritas supervisións internas e externas.

Transparencia: as nosas contas e informes financeiros son públicos.