-
© Fabio Basone/MSF Epidemias
Unha epidemia prodúcese cando unha enfermidade contaxiosa se propaga rapidamente nunha poboación determinada, afectando simultaneamente a un gran número de persoas durante un período de tempo concreto. Se o gromo afecta a rexións xeográficas extensas (por exemplo, varios continentes) catalógase como pandemia; como é o caso do VIH ou da COVID-19. En caso de propagación descontrolada, unha epidemia pode colapsar un sistema de saúde, como ocorreu en 2014 co gromo de ébola en África occidental.
Estas enfermidades poden aparecer en zonas onde non existían, por exemplo debido á debilidade do sistema de saúde e das campañas de vacinación; tal foi o caso, en 2017 e 2018, das epidemias de difteria en Iemen e entre a poboación rohingya que chegou a Bangladesh fuxindo de Myanmar. Tamén poden desenvolverse gromos epidémicos a partir de enfermidades endémicas: estas últimas persisten dunha forma continuada ou episódica nunha zona determinada. A malaria, o Chagas ou o dengue son exemplos de endemias en zonas moi concretas do planeta.
Cada enfermidade require unha actuación específica nos ámbitos da prevención e do tratamento. Estas son algunhas das máis habituais nos nosos proxectos:
-
Cólera
Esta enfermidade gastrointestinal aguda pode matar a unha persoa en cuestión de horas. Como a súa propagación é moi rápida, conter un gromo require unha resposta inmediata.
-
Dengue
Esta enfermidade vírica emerxente é susceptible de provocar epidemias en moitas rexións do mundo Nalgúns casos, tivemos que adaptar as nosas respostas a un contexto violento.
-
Diarrea
Aínda que se poden tratar facilmente, as enfermidades diarreicas son a segunda causa de morte en menores de 5 anos. As medidas de hixiene e un correcto saneamento son esenciais para previr a aparición destas enfermidades.
-
Ébola
Somos a organización médica de referencia na resposta a gromos deste virus letal, para o que non hai tratamento. Ademais de dar atención médica, traballamos na contención e a sensibilización comunitaria.
-
Febre amarela
A febre amarela volveu repuntar. Esta enfermidade non ten tratamento específico, polo que son esenciais a vacinación e o control vectorial.
-
Malaria
As probas de diagnose rápida e as novas terapias combinadas lograron grandes avances no loita mundial contra a malaria, malia que centos de miles de persoas seguen caendo enfermas cada ano.
-
Meninxite
Esta infección transmítese soamente de persoa a persoa, a través de pingas de saliva. Por iso, un clima seco e ventoso fomenta a súa propagación: a gorxa irrítase e deixa de actuar como barreira para as bacterias.
-
Pneumonía
É a principal causa infecciosa de mortalidade infantil pesar de previrse cunha vacina. Lanzamos campañas masivas de inmunización, mais precisamos unha vacina máis barata.
-
Sarampelo
É unha das principais causas de mortalidade infantil, a pesar de que existe unha vacina que a prevén. Todos os anos, inmunizamos a centos de miles de nenos e nenas, sobre todo en epidemias.
-
Tuberculose
Levamos 30 anos atendendo a pacientes con TB en todo tipo de contextos, desde zonas en guerra a prisións, e somos un dos principais provedores de tratamento para a TB resistente.
-
VIH/sida
Somos unha das organizacións pioneiras no tratamento do VIH en países de renda baixa; agora traballamos no desenvolvemento de novas estratexias adaptadas a países en guerra.
